Enrico Vignati ci parla della festa di “San Carlo ala Ranera”

Enrico Vignati ci parla della festa di “San Carlo ala Ranera”

A nuèmber in ucašiòn de San Carlo gh’è la festa ala Ranèra. Una fèsta sentìda da chi l’è che sta li de ca’, e tüti i ani i tràn in ball un chicòss per pasà la giurnàda in cumpagnìa.

Bèn, i püsè giun i san no che una volta le ca’ de Sant’Angel i finivun in Cuntradela e pö ièrun tüti campi a destra e a sinistra e in meš in da perlü gh’èra el murtòri  e per rüvà ala ranèra el parìva  un viàge che finiva pü.

Sarà perché fèva sèmper un frège da bestia, cun i bramaròn süle piante e spess anca i candilòti de giass, le machine sèveme nanca che roba ièrun e ‘ndèveme tüti a pe, trane  i ansiàn che i se fèvun purtà cun el pulman de Paiòn che el fermèva davanti a l’Uratori ale Vignöle.

La Cešìna l’èra sèmper pièna imbalàda, specialmente de done e fiulén perché i omi cun la scüsa da sculdass i osi i se fermèvun a l’usteria a beve un bicér.

Castègne, patuna e turte fai in ca’ i spetèvun tüti quanti ala fen dèla funsiòn per finì la giurnàda in alegrìa.

Tradisiòn de una volta che i residènti iàn purtade avanti urgugliùsi del so’ Sante.


Enrico Vignati


 

Condividi l'articolo su

Riproduzione Riservata