Enrico Vignati ricorda "Ginu Galòta"

Enrico Vignati ricorda "Ginu Galòta"

“Gìnu Galòta”

Nei di de mercà, da qualsiasi cantòn che te rüvèvi in piàsa, te sentìvi la so’ vuš, “Done, gnè chi a vède, i piati dèla casetta in Canadà!”

El gh’èva una rapidità a fai balà da una man a l’oltra che el parìva un giuculiér del circu, e pö per fa vède che l’èra roba buna che se rumpèva no ià pichèva fra de lur o in tèra, anca se ‘ndrèn per ‘ndren el giüghète el ghe riesìva no e i piati i ‘ndèun in mila bucòn.

El metèva el so’ camion davanti al bar Gatti, e sicùme ghe piašèva beve un bicèr in cumpagnìa spèss e vulentéra se te ghèvi bišògne gh’èra da ‘ndà dren a ciamàl.

I paišàn che gnìva sü dàla campagna i se fermèvun da lü a tö i cutùrni, perché ièrun de qualità e i custèvun poche e le savàte saràde per le done cun la söla volta perché ià druèun per ‘ndà in di pulè sènsa vunciàss i pe.

Sicùme Ginu l’èra de cumpagnìa, ghe piašèva scambià quater parole cun i so’ clienti, è gh’èra gnèn de mèi che un bèl bicer de ven brüle per sculdàss i osi, specialmènte d’invèrne cun la burda e i bramaròn.

La so’ alegria l’èra cuntagiùsa, mèi de qualsiasi medešìna.

Enrico Vignati


 

Condividi l'articolo su

Riproduzione Riservata