"El Mercà" tratto dal libro "Fergüie de Memoria"

"El Mercà" tratto dal libro "Fergüie de Memoria"

“El Mercà”

Merculdì e dumìnica, du giurnàde impurtanti per el noste paìš,
in piàsa se truèva i mediatùri, i paišàn i rüvèun dale casìne del circundàri,
se püdèva no mancà, davanti a un bicér se parlèva de afàri.

Le done dopu Mèsa i girèun tüti i banchèti, la früta, le ulìve, i bombi,
le sumènse e la raspadüra, senò l’èra no mercà.

I banchi ièrun tüti istes, fai de tila el tèce e de lègne el banchète,
quel del pèss che el vusèva, el por Ginu cui so’ piàti, pö i scarpè,
quei di vestì e i giügatui per i fiulén.

In invèrne el ven brülé, le castègne e i filsòn,
la patùna, Diu che bon!
         
Gh’èra i rotuli de tila, el caplè cul so’ negòsi,
un via va, tame furmìghe, tüti cul so bèl vestide, el tabàr per i omi vegi,
el tuscàn pugiade in buca, el pedàgne per le done,  la bursèta atàche al brass.

Queste me vöi ricurdàme, quel de adèss el me piaš pü,
par da vess a Marachesc, e la scrivi me el se diš,
de nustràn restade poche, dü fergüie de furmài;
ögi a mandurla o abrunšadi, questi chi i san piasàdi süla piasa de Sant’Angel.

Lur ghe la mètun propi tüta, cui so quater berlafüsi,
ma la storia l’èr no insì, e me scapa da sgarì.


Tratto dal libro Fergüie de Memoria di Enrico Vignati

(Foto di Luigi Battaini)



 

Condividi l'articolo su

Riproduzione Riservata